ФОТО: Саша Бое за 30 милиони евра во одбраната на Баерн
Денеска Баерн Минхен го промовираше новото зимско засилување кое доаѓа од Галатасарај, станува збор за 23-годишниот француски фудбалер Саша Бое.
Препорачано
Дефанзивецот Бое официјално потпиша договор со германскиот шампион до 30 јуни 2028 година.
За клубот од Истанбул запиша 83 настапи, постигнувајќи четири голови во Турската Супер лига.
– Ова е остварување на сонот за мене. За мене е чест да играм за толку голем клуб како Баерн. Навистина се радувам на мојот нов тим и што ќе играм со сите овие одлични играчи во иднина. Како играч, јас сум дефанзивец кој сака да напаѓа, исто толку среќен што сум вклучен напред како и во одбраната – вели Бое за клупскиот сајт.
Баерн ќе му плати на Бое 30 милиони евра, плус пет милиони можни бонуси. Турскиот гигант ќе добие процент од идниот трансфер, а овие два клуба ќе одиграат и два пријателски натпревари од кои 50 отсто од профитот ќе оди за Галатасарај.
♦️2️⃣0️⃣2️⃣8️⃣♦️ #ServusSacha ✍️ pic.twitter.com/hV4kgW34Xw
— FC Bayern München (@FCBayern) January 28, 2024
