Поранешната српска тенисерка Ана Ивановиќ повторно се најде во центарот на вниманието, но овојпат не поради разводот со Бастијан Швајнштајгер, туку поради фотографија што ја сподели на социјалните мрежи.

По периодот на медиумска врева што ја следеше нејзината приватна разделба, Ивановиќ реши да се посвети повеќе на себе, на патувањата и на личниот мир. Во тој дух, таа престојуваше на Мајорка, каде што имаше можност да ја посети тениската академија на Рафаел Надал.

 

View this post on Instagram

 

A post shared by Rafa Nadal (@rafaelnadal)

Ана јавно му се заблагодари на Надал за топлиот пречек и истакна дека е воодушевена од целиот комплекс, додавајќи дека со задоволство повторно би се вратила. Од своја страна, и Надал ѝ се заблагодари за посетата, со што уште еднаш беше потврдена нивната долгогодишна пријателска и спортска врска.

Фотографијата од нивната средба предизвика бројни реакции. Дел од јавноста ја опиша како „средба на легенди“, потсетувајќи дека и двајцата оставија длабока трага во историјата на светскиот тенис, секој на свој начин.

Сепак, имаше и такви кои во нежната прегратка и опуштената атмосфера видоа повод за разни претпоставки и шпекулации. Некои дури во шега коментираа дека, доколку синовите на Ана Ивановиќ покажат тениски талент, нивниот пат можеби ќе води токму кон академијата на Надал.

Она што е сигурно – средбата зрачи со искрена почит, спортски дух и емоции кои зборуваат повеќе од илјада зборови.