Огњен Врањеш (33), поранешниот контроверзен репрезентативец на Босна и Херцеговина и играч на турскиот клуб Хатајспор, на социјалните мрежи се огласи по повод трагедијата во Атина.

Да потсетиме, навивач на грчки клуб АЕК (29) загина по судири со „БББ“ во Атина, па поради ова беше одложен натпреварот од квалификациите за ЛШ меѓу АЕК и Динамо кој требаше да се одигра денеска од 20.45 часот.

Врањеш, инаку поранешен фудбалер на АЕК во два наврати, објави фотографија на социјалните мрежи која е заштитен знак на најжестоките навивачи на АЕК.

На фотографијата се гледа череп со натпис „АЕК Хулигани“ околу него. Врањеш настапуваше за АЕК во сезоната 2017/2018 и во сезоната 2021/2022. За репрезентацијата на БиХ забележа и 38 настапи.

Познат е и по скандали, исфрлен од репрезентацијата поради тетоважата на четничкиот војвода Момчило Ѓујиќ. Тој имаше афера и со пејачката Јелена Карлеуша.

ВИДЕО | Трагедија во Атина: Навивач на АЕК загина во судир со „Бед Блу Бојс“