Поранешната олимписка шампионка во алпско скијање, Линдзи Вон, ги израдува своите следбеници со нови фотографии од летниот одмор и покажа како изгледаат нејзините денови додека се опоравува од сериозната повреда што ја здоби на Зимските олимписки игри во 2026 година.

Четириесет и едногодишната спортистка на Инстаграм објави серија фотографии и видеа, меѓу кои и кадар во црно бикини покрај базен, каде што ужива на засега непозната локација. Во објавата таа сподели и моменти од секојдневието – тренинзи во домашната вежбалница, селфи фотографии и дружења со семејството и пријателите.

Меѓу фотографиите се најдоа и моменти со нејзината сестра Карин Килдоу, како и дружење со актерката Лора Дерн и телевизиската водителка Гејл Кинг. Вон сподели и снимки од концерт на „Блек ајд пис“, како и фотографија од пловење со пријатели.

Летните активности доаѓаат неколку месеци откако Вон ја скрши левата нога за време на Зимските олимписки игри во јануари годинава. Во интервју за списанието „Пипл“ во април, таа призна дека закрепнувањето било исклучително тешко, но дека постепено се враќа во нормалниот живот.

„Јас сум личност која секогаш планира успех, па затоа планирам целосно закрепнување. Исто така, планирам да уживам во летото и да одам на одмор. Авионските билети веќе се резервирани“, изјави Вон.

Таа додаде дека летово прави пауза од операциите и интензивната физикална терапија, со надеж дека во наредните недели ќе може повторно да живее многу понормално и да се врати на активностите што ги сака.

ВИДЕО: Страшен пад на Линдзи Вон на седум дена пред Олимписките игри, едвај ја напушти патеката