Улогите во филмот „Убава жена“ и ситкомот „Само пукај ме“ ѝ ги отворија вратите кон светската слава. Денес, на 63 години, таа сè уште привлекува внимание, а неодамна се појави и на црвениот тепих.

Лаура Сан Џакомо се прослави со улогата на Кит де Лука во култниот филм „Убава жена“ (Pretty Woman), а светот сè уште ја памети нејзината улога како сексуална работничка со дрска смисла за хумор и посветеното пријателство со Вивијан, која ја играше Џулија Робертс.

 

View this post on Instagram

 

A post shared by Strange Flick Facts (@strangeflickfacts)

Меѓутоа, нејзината кариера не застана тука. Таа одигра култна улога во 90-тите во хит-серијата на Ен-би-си „Just Shoot Me!“, а неодамна глумеше во популарни серии како „Saving Grace“ и „NCIS“.

Но, 36 години по иконскиот филм „Убава жена“, таа се појави во Холивуд.

Деновиве, Сан Џакомо се врати на црвениот тепих, присуствувајќи на премиерата на втората сезона на „Шеќер“ на Епл ТВ во музејот „Хамер“ во Лос Анџелес, Калифорнија. Сан Џакомо сега има руса коса која станува седа. Тешко е да се замисли дека поминаа 36 години откако таа се здоби со слава во „Убава жена“.

За таа пригода, Сан Џакомо облекла црн костим, кој го искомбинирала со бела маичка. Стајлингот зрачел со допир на модерен гламур и суптилно ја нагласувал нејзината витка фигура.

Впечатлива била и фризурата, односно Лаура ја заменила својата препознатлива темна коса со малку поприродна нијанса, а биле видливи седите прамени.

Што се однесува до шминката, таа се одлучила за нежни тонови кои ја истакнуваат нејзината природна убавина, но и лице кое го прифаќа природниот процес на стареење.