Ја исмејуваат поради изгледот, а тој секогаш ја брани — англискиот репрезентативец Рајс е партнер за пример
Англискиот фудбалски репрезентативец Деклан Рајс последниве години е во центарот на вниманието не само поради своите настапи на теренот, туку и поради начинот на кој јавно ја брани својата долгогодишна партнерка Лорен Фрајер од злонамерните коментари на социјалните мрежи.
Препорачано
Ѕвездата на Арсенал е во врска со Лорен уште од својата 17-та година, а нивната љубовна приказна важи за една од најстабилните во светот на фудбалот.
Додека многу фудбалери се поврзуваат со манекенки и инфлуенсерки, Рајс остана верен на својата средношколска љубов. Двојката во 2022 година доби син по име Џуд, а фудбалерот не крие колку ѝ се восхитува на Лорен откако станала мајка.
Сепак, Лорен со години е мета на навредливи коментари поради својот изглед. Бранот на интернет-малтретирање започна во 2023 година, кога корисници на социјалните мрежи почнаа да ја исмејуваат затоа што не одговара на стереотипот за партнерките на славните фудбалери.
Declan Rice and his girlfriend Lauren Fryer ❤️ pic.twitter.com/N41ibvu9Q6
— Bukayo Rice🇦🇷 (@gooner_since05) March 30, 2026
Поради огромниот притисок и негативните пораки, таа во еден момент ги избриша сите фотографии од својот профил на Инстаграм.
Навредите не останаа само на интернет. Во февруари, за време на натпреварот меѓу Арсенал и лутиот ривал Тотенхем Хотспур, еден навивач од трибините му покажувал фотографија од неговата девојка додека Рајс се подготвувал да изведе корнер.
„Кога тргнав да го изведам корнерот, ми ја покажуваа нејзината фотографија, па нормално беше да се налутам“, наводно му рекол Рајс подоцна на соиграчот Букајо Сака.
Постапката на навивачот предизвика осуда во јавноста, а многумина побараа тој да добие забрана за присуство на стадионите, истакнувајќи дека за такво однесување нема место во спортот.
И покрај критиките, Рајс никогаш не се двоумел кога станува збор за својата љубов кон Лорен.
„Таа е духовита, убава и прекрасна личност. Ја сакам повеќе од сè на светот“, изјави своевремено фудбалерот на прес-конференција.
Тој неколкупати јавно истакна колку му е важна Лорен:
„Ова е жената што ја сакам најмногу на светот. Таа е мој избор, со неа имам семејство и засекогаш ќе остане мојата сопруга“, рече Рајс.
На прашањето дали обрнува внимание на коментарите и дали некогаш размислувал за друга партнерка, тој одговорил без двоумење: „Мојата сопруга е љубовта на мојот живот и за мене не постои друга.“
ВИДЕО | Англија ја победи Хрватска во спектакл со шест гола во Далас
