Жените сè уште преферираат интимни односи со партнер и покрај тоа што имаат поголема веројатност да доживеат оргазам при мастурбација, според ново истражување, пишува „Сан“.

Во истражувањето учествувале 27.931 корисници. Една од пет испитанички изјавила дека има поголеми шанси за оргазам со својот партнер отколку со мастурбација или користење вибратор. Спротивно на тоа, речиси половина доживеале климакс почесто сами.

Сепак, се покажало дека само оргазмите од секс со партнер го зголемиле нивното целокупно задоволство од нивниот љубовен живот. Жените кои учествувале во истражувањето рекле дека можеби им е полесно да бидат сами бидејќи има помалку притисок, не се грижат за тоа како изгледаат и имаат поголема контрола.

На многумина им недостасувала интимност, емоционална поврзаност и спонтаност на сексот со некој друг.

Сексологот Џордан Руло од Универзитетот во Јута изјавил: „Мастурбацијата е фантастична алатка за самоспознание и ослободување од стрес и може да функционира како активност за „одржување“, но за многу жени, сексуалното задоволство е длабоко испреплетено со врската и споделената интимност на партнерскиот секс.“

Авторката на истражувањето, Јела Хјуингс-Мартин, меѓу другото, напиша во стручното списание „Архиви на сексуално однесување“ дека оргазмот постигнат со партнер има посилна врска со сексуалното задоволство.

Сепак, коавторката на студијата Карен Блер од Универзитетот Трент во Канада изјави: „Јасно гледаме дека активностите што најверојатно ќе доведат до оргазам се оние што даваат приоритет на стимулацијата на клиторисот. Ова ја потврдува употребата на секс-играчки, вклучувајќи вибратори, употребата на раце и оралната стимулација како клучен фактор за задоволството на жените.“