Пејачката и професорка по соло пеење, Искра Трпева-Арсовска, има убав повод за славење во својот дом.

Нејзината ќерка Ангела го прослави својот 15-ти роденден, а гордата мајка ја сподели својата радост со емотивна порака на социјалните мрежи.

Искра на својот фејсбук-профил сподели слика од Ангела и упати искрени и желби, со музичка метафора, како што и доликува на нејзината професија: „Нека животот ти подари мелодии што носат радост, ритам што дава храброст и аплаузи што се заслужени со труд и доброта. Биди верна на себе, а секој нов ден нека биде уште една убава нота во твојата животна симфонија. СРЕЌНА 15-ка око мамино“, напиша Искра Трпева и го означи сопругот Благоја Арсовски, кој исто како неа е професор во ДМБУЦ „Илија Николовски-Луј“.

Неодамна, Трпева-Арсовска по долго време се огласи во јавноста со убава вест.

Нејзината ќерка Ангела е полуматурантка, а пејачката сподели слика од својата гордост на Инстаграм и до неа напиша: “Полуматурантка. Зеницо моја“.

Трпева, која со години е целосно посветена на педагошката работа како професорка по соло пеење во ДМБУЦ „Илија Николовски-Луј“, одамна не е активна во поп музиката, но остана запаметена како еден од нашите најдобри женски вокали. „Допри ме“, „Штом падне мрак“, „Странец“, се дел од песните кои ги одбележаа музичките почетоци на Искра Трпева, а се паметат и денес.

Инаку, две големи тажни случки го одбележаа животот на пејачката Искра Трпева-Арсовска. Таа и сопругот Благоја го загубија синот само четири дена откако се роди. А Искра, за жал, 2021 година ја испрати со тажна случка, откако почина татко ѝ.

Таткото на Искра, Ванчо Трпевски, беше познат спортски работник. Непроценлив е придонесот на Ванчо Трпевски во Вардар, тренер кој го посвети целиот живот на црвено-црните.

Таа и сопругот Благоја денес се среќни родители на Ангела која изучува музика.