ФОТО: Перо Антиќ на тренингот на Црвена звезда!
Тејлор Рочести ја напушти Црвена звезда, но на тренингот се појави легендарниот играч на „црвено-белите“ екс НБА кошаркар, Перо Антиќ.
Секако, поранешниот македонски репрезентативец не се врати на теренот, туку само го посети својот омилен српски клуб, пренесуваат тамошните медиуми.
– Денеска на тренингот нѐ посети Перо Антиќ, на кого во оваа пригода му ја врачивме плакетата „Клуб 100“.
Тој забележа 136 настапи во дресот на Црвена звезда и постигна 1110 поени – пишува во Инстаграм објавата на клубот.
Еден убав гест од страна на Црвена звезда за сегашниот претседател на нашата кошаркарска федерација.. Воедно Антиќ доаѓа и непосредно пред утрешниот меч (19.00 часот) од Евролигата помеѓу Црвена звезда и уште еден негов клуб за кој како играч своевремено настапуваше и имаше големи успеси во професионалната кариера, грчкиот Олимпијакос.
View this post on Instagram
