Науката постојано е во потрага по одговори за многу биолошки појави, суштества од копно или вода, но она што особено ја заинтригира научната јавност деновиве е едно ново тврдење за октоподите.

Имено, според научниците кои ја објавија статијата „Причината за камбриска експлозија – земна или космичка?“, во едно списание за биофизика и молекуларна биологија, октоподите ни доаѓаат ни помалку ни повеќе – од вселената, пишуваат од страницата „BGR“

Статијата наведува дека животот на планетата Земја почнал благодарение на дождот од ретровируси кои паднале на нејзината површина од вселената. Во секвенците на ДНК-та во геномите на Земјата, научниците проучуваа дополнителни мутации кои ги доведоа до ова откачено, а сепак можно толкување.

Научниците тврдат дека некои цефалоподи, како октоподи и лигњи, на Земјата дошле со паѓање на неа, претходно замрзнати од вселената.

„ Не може да се исклучи можноста замрзнатите јајца од лигњи и октоподи да пристигнале во ледени болиди пред стотици милиони години“ – се вели во написот.

Авторите на статијата велат дека октоподите и другите суштества уживаат биолошки карактеристики кои потекнуваат од „некој вид на поранешен живот“. Тезата дека животот започнал на друго место, а не на Земјата, не е нова.