2 C
Скопје

ФОТО: Некогаш еден од најмоќните луѓе во Холивуд, сега затвореник кој пропаѓа – Прва слика на Бил Козби од затворот

Познатиот комичар Бил Козби (83) беше еден од најмоќните луѓе во Холивуд, а потоа во 2018 година заглави зад решетките во Филаделфија, поради пресудата за силување на една жена во 2004 година.

Имено, американскиот комичар е осуден бидејќи пред 16 години во својот дом ја дрогирал и силувал Андреа Констанд. Потоа се појавија обвинувања од речиси 60 жени, но тие случаеви не добија расплет на судот и беа прогласени за застарени.

Фото: Инстаграм

Козби до крајот на судењето тврдеше дека е сигурен дека неговото однесување не било силување, иако признал дека на жените им давал лекови за смирување за „малку да ги опушти“.

– Сакав само да и биде пријатно и полесно да заспие по нашето страсно љубење, изјави Козби на судењето.

Прочитајте и...  На денешен ден - 2 март

Пред судијата потврди дека и давал лекови, но се бранел со тоа дека таа му рекла дека е под стрес. Средбата ја опиша како непреијатна, а тврди дека таа била сексуално задоволена и дека до сексот не дошло додека таа спиела.

Фото: Инстаграм

– Не сакаше да престанеме, изјави Козби, додека Андреа тврдеше дека не ни знаела што и се случува бидејќи била под лекови, а подоцна и се онесвестила.

– Ме силуваше додека бев во несвесна состојба, истакна поранешната кошаркарка.

Сега во американските медиуми се појави неговата прва фотографија по полни две години во затвор. На неа се гледа дека поранешниот актер има неуредна коса и не е избричен, гледа во подот и се смешка, додека околу вратот носи заштитна маска.

Прочитајте и...  ФОТО | Совршен црн фустан и „позајмено лице“: Рене Зелвегер ги разочара фановите
Фото: Профимедиа

Причината за смешкањето може да биде и фактот дека наскоро би требало да излезе на условна слобода, откако ја отслужи казната во траење од две години. Но тоа не е единствената причина поради која Бил има насмевка на лицето.

Имено, тој успеал да се избори и за тоа да поднесе жалба на својата пресуда, и тоа во Врховниот суд во Пенсилванија. Судот се сложил да преиспита два аспекти од неговиот случај вклучувајќи ја и одлуката на судијата тужителот да повика уште пет сведоци кои зборувале за далечните средби со некогаш моќниот актер.

Фото: Инстаграм

Судијата тогаш дозволил пет наводни жртви на Козби да сведочат. Меѓу кои и Хајди Томас, која на судот му кажала дека тој и дал вино од кое четири дена не можела да се опорави во 1984-та година. Поранешната манекенка Џенис Дикинсон наведе дека Козби ја дрогирал и силувал во 1982-та година во хотел, кога таа имала 27 години.

Прочитајте и...  ВИДЕО: Излезе првиот тизер на документарниот филм за Тина Тарнер

Да се потсетиме, Американската академија на филмски уметности во мај 2018 година го исфрли Козби и режисерот Роман Полански, бидејќи ги прекршиле кодексите на однесување на академијата, додека моќниот филмски продуцент Харви Вајстин е исфрлен во октомври 2017 година.

Поврзани вести

Дневен хороскоп за 2 март: Можете да поместите планини!

Слободен Печат

Виц на денот: Телевизори

Слободен печат

На денешен ден – 2 март

Слободен Печат

ВИДЕО: Се шокирала кога видела што се шета во пакетот со облека кој го нарачала од интернет

Слободен печат

ВИДЕО | Неверојатна оптичка илузија: Додека поминувате покрај оваа куќа во Австралија, таа ротира!

Слободен печат

ФОТО: Поранешна зависничка која се предозирала 19 пати воодушеви многумина со фотографиите од својата трансформација

Слободен печат

Остави Коментар