Македонскиот актер Жарко Димоски и неговата сопруга Андреа Јосифова споделија фотографии од празничната фотосесија со нивниот четиримесечен син Вито.

Имено, актерот и неговата избраничка позираат во елегантно издание, а малечкиот Вито е облечен во божиќна облека. На дел од фотографиите може да се забележи и нивното куче Марли.

„Среќни празници од нашето најново џуџе. Нашиот прв Божиќ како комплетно семејство. На сите ви посакуваме љубов и радост во целата година“, напишаа тие во описот на фотографиите.

Да потсетиме, Жарко Димоски и Андреа Јосифова стапија во брак во август 2020 година, во хрватскиот град Ровињ.

Поради пандемијата на коронавирусот, двојката ја одложи свадбената прослава за две години подоцна – црквената венчавка ја направија во мај минатата година.

Тие станаа родители на синот Вито во септември годинава.

Венчавка како од бајките: Во Ровињ се ожени актерот Жарко Димоски! (ВИДЕО)