Легендарниот фронтмен на „Ролинг стоунс“, Мик Џегер, го прослави својот 83. роденден, а по тој повод неговата свршеница Мелани Хамрик објави ретка семејна фотографија со нивниот син Деверо.

„Среќен роденден, љубов моја! За уште многу авантури, смеа и убави моменти!“, напиша 39-годишната Хамрик покрај фотографијата објавена на Инстаграм.

 

View this post on Instagram

 

A post shared by Melanie Hamrick (@melhamrick)

На фотографијата, направена за време на неодамнешен семеен одмор, Мик, Мелани и нивниот деветгодишен син Деверо позираат насмеани заедно.

Парот се запознал во 2014 година, а две години подоцна го добија Деверо, осмото дете на Џегер. Иако долго време се шпекулираше за нивната свршувачка, Хамрик во април 2025 година потврди дека тие се свршени веќе две до три години.

Мик Џегер и Мелани Хамрик најчесто живеат во Франција, каде што го воспитуваат нивниот син. Минатата година открија и необичен семеен детал – сите тројца имаат украсен заб со светкав камен. Хамрик објасни дека Џегер носи вистински дијамант, таа кристал „Сваровски“, а и нивниот син има ист украс на истиот заб.

Освен Деверо, Мик Џегер е татко на уште седум деца од претходните врски.

Легендите се враќаат — „Ролинг стоунс“ го открија насловот на новиот албум