Анџела „Енџи“ Кукавски (55) претставуваше голем број славни личности, меѓу кои и познатата старлета Ким Кардашијан (41). Според изјавите на полицијата во Лос Анџелес, исчезнувањето на Кукавски било пријавено на 22 декември. На 23 декември, полицијата отишла на адреса во долината Сими каде што било пронајдено телото на менаџерката во багажникот на автомобилот.

Boyfriend arrested in death of celebrity business manager Angela Kukawski: https://t.co/folS8btwdp

— Complex Music (@ComplexMusic) December 29, 2021

Нејзиното момче Џејсон Баркер (49) е уапсен и обвинет за нејзиното убиство. Полицијата тврди дека Баркер наводно ја убил Енџи во нејзиниот дом во Шерман Оукс, во раните утрински часови на 23 декември го ставил нејзиното тело во автомобилот и потоа го оставил автомобилот во долината Сими, северно од Лос Анџелес.

Уапсениот е задржан во полиција со гаранција од 2 милиони долари.

LAPD News: Homicide Victim Found in Simi Valley pic.twitter.com/7eos9rfZef

— LAPD PIO (@LAPDPIO) December 29, 2021

Енџи била многу успешна и работеше за многу други познати личности, меѓу кои Ники Минаж (39) и Канје Вест (44).

„Тажни сме и скршено срце поради загубата на нашата колешка, Енџи Кукавски. Енџи беше љубезна, прекрасна личност и многу ќе им недостасува на сите што ја познаваа. Изразуваме наше најдлабоко сочувство до семејството и пријателите на Енџи“, изјавил член на нејзината компанија, Тод Бозик, за „Вариети“.

Кукавски, позната и како Анџела Кастро, била мајка на пет деца и, според пријателите, била сакана и почитувана во забавната индустрија.

Ники Минаж, Ким Кардашијан и други славни личности се простуваат од Анџела на социјалните мрежи.