Синоќа во Њу Џерси се одржаа доделувањето на видео и музичките награди на „Ем-Ти-Ви“ кои собраа голем број познати личности. Сепак, се чини дека најголемите имиња решија да го пропуштат овој настан, но ѕвездите кои прошетаа по црниот тепих, дадоа сè од себе за да остават впечаток.

Со оглед на тоа што „Ем-Ти-Ви“ наградите се сметаат за церемонија каде што е дозволено речиси сè кога е модата во прашање, желбата за гламурозен и впечатлив изглед многу лесно може да премине во кич.

Имавме можност да видиме многу ексцентрични комбинации и парчиња кои се граничат со невкусни, но и ексцентричи модни изгледи, а дефинитивно меѓу оние кои привлекоа најголемо внимание беше Анита, пејачката која ја доби наградата за најдобар латино артист на годината.

Таа на црвениот тепих се појави во креација со потпис на модната куќа „Schiaparelli“. Младата пејачка беше облечена во долг црвен фустан со необичен корсет кој делумно ја откриваше едната града.

Ѕвезда на вечерта беше Тејлор Свифт во сребрен мини фустан на Оскар де ла Рента, додека Беки Џи носеше необична тоалета на Зухаир Мурад.

Тука беше и Лизо, во предимензиониран фустан во црна боја, за чиј изглед доби многу негативни критики, додека Софија Карсон беше стилизирана во елегантен црн фустан со со качулка, со потпис на модната куќа Каролина Херера.

Сепак, се чини дека никој не предизвика реакција како Лил Наз Екс, кој носеше необична кринолина украсена со црни пердуви над светкавите црни панталони, надополнувајќи го изгледот во волуменозна со сличен украс на неговата глава.