Скопскиот ресторан Matto Napoletano стана официјален член на AVPN (Associazione Verace Pizza Napoletana) – реномирана асоцијација со седиште во Наполи, Италија, која се смета за водечки авторитет во светот кога станува збор за неаполитанската пица.

Членството во AVPN се доделува исклучиво на објекти кои доследно ги применуваат традиционалните техники и строго утврдените стандарди за подготовка на неаполитанска пица. Ова гастрономско наследство е дел од нематеријалното културно богатство заштитено од UNESCO, што дополнително ја нагласува неговата глобална вредност и значење.

Свечениот настан се одржа во присуство на високи претставници на AVPN, предводени од претседателот Антонио Паче и генералниот директор Стефано Аурикио, како и амбасадорот на Италија и претставници од дипломатскиот кор.

„Ова за нас не е само уште едно признание, туку предизвик секојдневно да се чува традицијата на ова препознаено гастрономско наследство,“ изјавија Зоран Васиљевиќ и Дане Кузмановски, креатори на Matto Napoletano.

Во рамки на настанот, посебно признание му беше доделено и на главниот пицајоло Горан Мишевски, AVPN сертифициран мајстор, кој стои зад доследната примена на сите стандарди во секојдневната работа.

Со ова признание, и по низа меѓународни сертификати и достигнувања во областа, Мишевски го заокружува својот професионален пат, позиционирајќи се како еден од ретките – и единствен во регионот – пицајоло со комплетен сет релевантни сертификации за неаполитанска пица, со AVPN како највисоко признание.

Matto Napoletano станува единствената AVPN сертифицирана пицерија во Македонија, приклучувајќи се на глобалната мрежа на објекти кои ја негуваат и пренесуваат автентичната неаполитанска традиција.

Комерцијален текст