Резултатите на Абердин сезонава во најсилното шкотско фудбалско првенство не се најдобри за нас, но од друга страна радува што Бојан Миовски покажува одлични игри и постигнува голем број на голови.

Напаѓачот на македонската А репрезентација е на третото место на листата најдобри стрелци во шкотската Премиер лига со 14 голови, поефикасни од него се само Кјого Фурухаши (Селтик, 19 голови) и Лоренс Шенкленд (Харт од Мидлотиан, 17 голови).

После трите порази во низа, нашиот играч го врати Абердин на победничките патеки, беше двоен стрелец во триумфот над Мадервел (3:1).

Миовски доби ново признание и се најде во тимот на колото во шампионатот на Шкотска, а во истиот се наоѓа уште еден играч на Абердин, централниот бек Мети Полок.

Абердин се наоѓа на седмото место со 32 бодови и во следното коло на 18 февруари ќе му гостува на водечкиот Селтик кој има 70 бодови, девет повеќе од второпласираниот Ренџерс.

Your @Football_Scot 𝗣𝗿𝗲𝗺𝗶𝗲𝗿𝘀𝗵𝗶𝗽 𝗚𝗪𝟮𝟱 𝗧𝗢𝗧𝗪! 🏴󠁧󠁢󠁳󠁣󠁴󠁿

• Aaron Mooy is our 🌟 man after a stellar display in the middle of park for Celtic in Perth 🍀
• Bojan Miovski scored a brace for Aberdeen while Joel Nouble was back to his best for Livi 🔴🦁 pic.twitter.com/jeSuKGhMJb

— Football Scotland (@Football_Scot) February 6, 2023