Регионалната фолк ѕвезда Лепа Брена во петокот вечерта го одржа првиот од серијата концерти во Арена Загреб.

Брена по концертот објавила фотографија од публиката на Инстаграм и кратко порачала: „Ви благодарам“.

Пејачката потоа објави фотографија од младоста со сопругот Слободан Боба Живојиновиќ. Имено, парот ја прослави 33-годишнината од бракот.

Овој концерт бил од посебно значење за Лепа Брена од неколку причини.

– На овој одличен проект работиме од февруари, ние сме навистина голема екипа, славиме долга кариера, но тука е и мојот сопруг Боба, со кој денеска ја славиме нашата 33-годишнина од брак. Ве молам еден голем аплауз за Боба – рекла таа на крајот од првиот концерт.

Инаку, Лепа Брена на првиот концерт во загрепската Арена пристигнала со хеликоптер, а кога го започнала својот голем хит, песната „Југословенка“, заедно со неа едногласно запеале повеќе од 15.000 луѓе.

Брена во загрепската Арена го одржа вториот концерт синоќа, а ја чекаат уште концерти на 9 и 10 декември, за кои сите билети се распродадени. Влезниците сè уште се достапни за петтиот концерт кој ќе се одржи на 16 декември.

ВИДЕО | Ја понесоа емоциите: Лепа Брена се расплака на концерт во родната Тузла, една песна посебно ја погоди

ФОТО | Ги покажа нозете долги 2 метра: Лепа Брена насмеана ужива во егзотичен коктел