Славната пејачка Лепа Брена пред неколку дена го прослави својот 63-тиот роденден, а многумина велат дека годините не ѝ можат ништо и дека изгледа сè подобро.

Брена од неодамна е активна на социјалните мрежи, а сега на Инстаграм сподели фотографија од излегување, на која е во елегантно издание.

Пејачката била цела во бело, долгите нозе биле во преден план, а црвениот кармин и црвената чанта од луксузниот бренд „Шанел“ го комплетирале нејзиниот стајлинг.

Инаку, Брена еднаш истакна дека не ги сака своите родендени.

– Ако некој е реален и свесен за минливоста на времето, како што сум јас, ќе ужива во сè. Имам причина да уживам, бидејќи сум свесна за сè што сум постигнала и имам прекрасно семејство. Сè уште реално и рационално размислувам за животот и уживам во постигнувањата и целите што си ги поставив.

– Среќна сум кога моите деца ги реализираат своите цели и кога сè оди по својот нормален тек. Среќна сум кога Боба и јас имаме наши планови. Јас функционирам според системот да пеам, но да го ставам појасот (се смее). Работам, а потоа има и причина и да се радувам на годишниот одмор. Инаку, јас не сум љубител на сопствените родендени, повеќе сакам туѓи и детски родендени. Единственото место каде што сакам да бидам во центарот на вниманието се моите концерти, сè друго ми е премногу.

Секако, одушевените обожаватели коментираат под фотографиите на Брена: „Најубава си!“, „Кралица“…