ФОТО | Кралското семејство му оддаде почит на принцот Филип: Кралицата пристигна со „омилениот“ син
Иако до последен момент не се знаеше дали кралицата Елизабета Втора ќе присуствува на мисата во чест на покојниот принц Филип во Вестминстерската катедрала. Кралицата пристигнала со својот „омилен“ син, принцот Ендру, кому ова воедно му е и последно службено појавување.
Многумина се убедени дека оваа одлука на кралицата, ќе ги разлути принцот Чарлс и Вилијам, кои по обвинувањата со кои се соочи принцот Ендру за сексуално злоставување на малолетничка, наводно не сакале да го видат во своја близина.
Her Majesty The Queen and members of the Royal Family attend the Thanksgiving Service for HRH The Prince Philip, Duke of Edinburgh. He was the longest serving Prince Consort for a British monarch and The Queen’s beloved husband for over seven decades. @RoyalFamily @wabbey pic.twitter.com/xjVvfR48xu
— BBC Studios Events Productions (@BBCS_Events) March 29, 2022
Откако пристигнале со приватен автомобил од замокот Виндзор до Вестминстерската катедрала, принцот Ендру ја држел за рака својата мајка, водејќи ја низ катедралата до нејзиното место.
Опкружена со своите деца, внуци и правнуци, британската кралица Елизабета Втора, заедно со уште 1.800 гости, меѓу кои и сите претставници на европските кралски семејства, му оддаде почит на својот покоен сопруг, принцот Филип во пресрет на првата годишнина од неговата смрт која официјално ќе биде одбележана на 9 април.
View this post on Instagram
Присутни беа речиси сите членови на кралското семејство, освен принцот Хари и Меган Маркл со нивните деца, но кралицата, барем јавно, не сакала да го коментира тој момент.
Меѓу првите пристигнале внуката на кралицата Зара Тиндал со сопругот Мајк и децата, а веднаш по нив се појавила и принцезата Ана. Потоа пристигнал принцот Едвард со сопругата Софи, принцот Чарлс и Камила, а по нив и принцот Вилијам и Кејт со нивните деца, принцот Џорџ и принцезата Шарлот.
View this post on Instagram
Во чест на принцот Филип, во Вестминстерската катедрала присуствувале и кадети на морнарицата. Кога се во прашање цвеќињата, доминирале оние во црвена, бела и сина боја, како и специјалните орхидеи кои кралицата ги имала во букетот на венчавката со принцот Филип.
View this post on Instagram
Во Лондон пристигнаа и членовите на другите европски кралски семејства како шпанскиот крал Фелипе VI и кралицата Летиција, холандската кралица Максима и холандскиот крал Вилем-Александар, шведската кралица Силвија и шведскиот крал Карл XVI Густаф, белгиската кралица Матилда и кралот Филип…
