Рим се простува од легендарниот моден креатор Валентино Гаравани, човекот кој со своите гламурозни креации и препознатливата нијанса „валентино црвено“ ја втисна италијанската елеганција во светската мода, пренесува „Еј-би-си Њуз“.

Неговото тело е изложено во Фондацијата „Валентино“, сместена на плоштадот Пјаца Мињанели, на само неколку чекори од Шпанските скали.

Голем број пријатели и соработници пристигнаа да му оддадат последна почит, меѓу кои и креативниот директор на модната куќа „Валентино“, Алесандро Микеле, поранешната соработничка Микаела Калабрези Маркони, како и неговиот долгогодишен партнер и деловен соработник Џанкарло Џамети и други.

Погребната церемонија ќе се одржи во петок во базиликата „Санта Марија дељи Анџели е деи Мартири“. Се очекува присуство на стотици модни ѕвезди, политичари и граѓани кои ќе ` оддадат почит на иконата на светската мода. Иако своите ревии најчесто ги претставуваше во Париз, Валентино секогаш го имал своето ателје во Рим.

Неговите креации ги обожаваа генерации припадници на кралски семејства, први дами и филмски ѕвезди – од Џеки Кенеди Оназис, преку Џулија Робертс, до јорданската кралица Ранија. Валентино Гаравани почина на 19 јануари, на 93-годишна возраст.

Легендарниот италијански дизајнер Валентино почина на 93-годишна возраст

Богатството на Валентино се проценува на околу 1,5 милијарди долари: Еве кој би можел да го наследи