Лефкада е еден од најпознатите грчки острови токму поради своите спектакуларни плажи, тиркизно море и импресивни карпи. Меѓутоа, Лефкада е позната и по фактот дека многу плажи, особено на западната страна од островот, често имаат многу бранови и ветар, пишува „92Путовања“.

Затоа многу туристи кои планираат летување на Лефкада го имаат истото прашање – каде на Лефкада нема бранови и кои плажи имаат најмирно море?

Ако патувате во Грција со деца, не сакате големи бранови или едноставно сакате понекогаш да пливате во мирно море и да уживате во порелаксирано пливање, важно е да знаете една основна работа за Лефкада:

– источната страна на островот генерално има многу помирно море
– западната страна на Лефкада многу почесто има бранови и ветар

Токму затоа голем број туристи кои бараат мирно море избираат места и плажи на источната и југоисточната страна од островот.

Зошто плажите на источната страна од Лефкада се помирни?

Западниот брег на Лефкада е отворен кон Јонското Море и поради тоа е многу поизложен на ветрови и бранови. Токму таму се наоѓаат најпознатите и најубавите плажи на островот, со високи карпи и тиркизно море.

Меѓутоа, источната страна на островот е многу позаштитена од ветер, па затоа морето е често помирно и посоодветно за семејства со деца, послаби пливачи и сите што сакаат порелаксирано пливање.

Секако, состојбата на морето никогаш не е сосема иста секој ден и многу зависи од ветарот и временските услови, но разликата помеѓу источниот и западниот брег на Лефкада е генерално многу забележлива.

Плажи на Лефкада кои најчесто имаат мирно море

Туристите што бараат потивки плажи на Лефкада најчесто ги избираат:

– Афтели
– Десими
– Никијана
– Вазилики
– Нидри
– Амуса
– Агиофили
– Микрос Галос
– Паса
– Кастри

Овие плажи и места се генерално подобро заштитени од ветерот, па затоа морето е често многу помирно отколку на западната страна на островот.

На овие плажи на Лефкада не мора да се грижите за брановите:

Особено се издвојуваат Микрос Галос, Десими и Афтели, кои многу туристи ги препорачуваат токму поради мирното море и пријатното пливање.

 

View this post on Instagram

 

A post shared by Aella Lefkada (@aellalefkada)

Каде на Лефкада има повеќе бранови?

Иако се сметаат за едни од најубавите плажи во Грција, познатите западни плажи на Лефкада често имаат бранови, особено кога дува ветер.

Ова особено се однесува на:

– Порто Кацики
– Егремни
– Катисма
– Каваликефта
– Милос

Овие плажи изгледаат спектакуларно поради бојата на морето, карпите и гребените, како и отворениот поглед на хоризонтот, но морето таму често може да биде немирно.

На некои туристи токму ваквите бранови им претставуваат посебно доживување, додека семејствата со мали деца генерално избираат помирни источни плажи.

Кој дел од Лефкада е најдобар за семејства со деца?

Ако ви е приоритет помирното море, полесното влегување во водата и порелаксираното пливање,  источната страна на Лефкада е генерално побезбеден избор.

ФОТО | Ова се најсончевите плажи во Европа: Повеќе од 10 часа сонце дневно, песок и кристално чисто море

Од 10 најубави плажи во светот, четири се во Европа

ФОТО | Најдобри нудистички плажи во Грција за несекојдневно летно бегство