Струга Трим Лум продолжува да го засилува својот ростер за новата сезона, а најново име во редовите на стружани е младиот голман Андреј Јовчевски, кој пристигнува од Пелистер.

Дваесет и двегодишниот чувар на мрежата потпиша тригодишен договор со стружани, со што по првпат во својата кариера ќе го напушти матичниот клуб.

Јовчевски ги мина сите младински категории на Пелистер, а за сениорскиот тим запиша 56 официјални настапи, со кои се етаблираше како еден од најперспективните млади голмани во македонскиот фудбал.

Од Струга откриваат дека за неговите услуги постоел интерес и од клубови од Албанија, Хрватска, Унгарија и Романија, но голманот се одлучил кариерата да ја продолжи во македонскиот шампион.

Во новата средина Јовчевски ќе конкурира за местото меѓу стативите со Васко Василев и Марко Анџелети.

ВИДЕО | Мундијалски вести: Халанд ги превесла „кариоките“, Англија го преживеа пеколот на „Ацтека“