Реал Мадрид го претстави Педро Мартинез како нов шеф на стручниот штаб, со што искусниот шпански стратег ќе ја предводи кошаркарската секција на „кралскиот клуб“ во следните три сезони.

Шеесет и петгодишниот Мартинез потпиша тригодишен договор со најтрофејниот европски клуб и започнува нов предизвик во својата богата тренерска кариера.

Во Мадрид пристигнува од Валенсија, каде што остави силен впечаток и ја предводеше екипата до шампионската титула во шпанското првенство. За да го реализира трансферот во Реал, Мартинез ја активираше откупната клаузула од договорот со Валенсија.

На клупата на Реал Мадрид ќе го наследи Серхио Скариоло, кој го напушти клубот по сезоната во која „кралевите“ не ги остварија очекуваните резултати, особено на европска сцена.

Од Реал Мадрид изразија уверување дека со ангажманот на Мартинез клубот добива тренер со огромно искуство и победнички менталитет, кој ќе има задача повторно да го врати тимот во борба за најголемите трофеи.

Двејн Вашингтон го замени Партизан со Баерн Минхен