ФОТО: Кејт и Камила намуртени ден по интервјуто на Опра Винфри
Папараците успеаа да ги фотографираат Кејт Мидлтон и Камила Паркер Боулс, ден по интервјуто на Опра за кое зборува целиот свет. Судејќи според нивните изрази на лицето, на нив не им се допаднале некои работи кои ги кажаа Меган Маркл и принцот Хари.
Кејт Мидлтон е снимена утрото кога доаѓала во палатата, а нејзиниот израз на лицето го покажува нејзиното нерасположение.
За тоа веројатно е виновна нејзината јатрва, Меган Маркл, која во текот на интервјуто кај Опра ја обвини дека ја расплакала во пресрет на нејзината венчавка со принцот Хари, по што сепак и се извинила и ги поправиле односите.
Што се однесува на Камила, и таа изгледала загрижено и замислено додека ја возеле со автомобил низ централен Лондон.
Сигурно не и било лесно да го проголта фактот што принцот Хари изјави кај Опра дека неговиот татко и нејзин сопруг, принцот Чарлс, е „заробен“ во кралскиот живот.
Покрај тоа, Хари тврдеше дека неговиот татко престанал да го контактира откако тој и Меган се разделиле од кралското семејство.
„Се чувствувам навистина разочарано“, изјави Хари и додаде:
„Нормално, секогаш ќе го сакам“.