ФОТО | „Кажав да“: Романтично запросување на Никол Шерцингер на Хаваи
Американската пејачка Никол Шерцингер, позната по својот ангажман во музичката поп-група „Пусикет долс“, е спремна за започне ново поглавје од својот љубовен живот.
По тригодишна љубовна врска, нејзиното момче Том Еванс ја запроси пејачката на романтично патување на Хаваи.
„Кажав да“, напиша 44-годишната пејачка во описот на фотографиите од запросувањето.
Еванс, кој е поранешен рагбист, ги сподели истите фотографии на Инстаграм, со опис: „Моето засекогаш“.
Позната двојка го имаше своето прво јавно појавување на една забава по доделувањето на наградите Златен глобус во 2020 година.
Оттогаш, Шерцингер и Еванс споделија повеќе заеднички фотографии на социјалните медиуми. Минатиот месец, тие беа на патување во Португалија и објавија неколку фотографии од оваа прекрасна европска земја.
Како потсетување, Никол Шерцингер претходно беше во врска со бугарскиот тенисер Григор Димитров, од 2016 до 2019 година, и со возачот на Формула 1 – Луис Хамилтон, со кого раскина во 2015 година, а беа во љубов цели седум години.
„Понекогаш луѓето остануваат во врска затоа што им е удобно и затоа што не сакаат да бидат сами. Ова е ново поглавје од мојот живот. Моментално, поминувам низ многу трансформативен период“, изјави пејачката за „Пипл“, откако раскина со Хамилтон.