Памела Андерсон последниве месеци импресионира со својот природен изглед. На бројни јавни настани таа се појавува без шминка и за тоа добива комплименти. Овој пат им позираше на фотографите на модните награди 2023 во Лондон, насмеана и без шминка.

Часови и часови подготовка се вообичаена рутина на многу познати личности пред да излезат на црвениот тепих, но не и на Памела во последните неколку настани каде се појавува без шминка, па и без фризура.

Манекенката и актерка, облечена во бела модна комбинација – панталони, маица и сако – со насмевка на лицето, им позираше на насобраните фотографи. За уште повеќе да ја истакне својата убавина, таа ја собрала косата во ниско опавче.

Таа за прв пат се појави без шминка на модната недела во Париз, кога објасни зошто се одлучила на тоа.

„Не знам, нешто ми падна на памет. Се облекував во оваа прекрасна облека и си помислив ‘Не сакам да се натпреварувам со облеката. Не пробувам да бидам најубавата девојка на светот’ Се чувствував послободна“, изјавила тогаш таа.

Таа рече дека забележала дека многу луѓе се шминкаат, а сакала да го направи спротивното од она што го прават сите други.