Американската ријалити ѕвезда Кајли Џенер ужива на одмор во Грција, а ги воодушеви обожавателите позирајќи во жолто бикини, боја која дефинитивно е моден хит оваа сезона.

Тоа е костим за капење од Шанел. Благодарение на инфлуенсерите и другите јавни личности, жолтата боја ги освои социјалните медиуми ова лето, при што многу жени купуваат облека во оваа боја. Жолтиот лак за нокти е исто така популарен.

„Изгледаш совршено“, „Сè ти стои“, „Ти благодариме што нè направи среќни со овие фотографии“, се некои од комплиментите што ги доби во коментарите.

Џенер го комплетираше изгледот со малку виткана фризура и едноставна шминка.

Таа на Инстаграм откри дека ужива во летото со својата шестгодишна ќерка Сторми Вебстер и пријателката Стаси Караниколау. Таа исто така сподели видео од себе како танцува со Сторми на јахта, со опис „Најдобра пријателка за цел живот“.

Таа неодамна беше забележана во Сен Тропе со своето момче Тимоти Шаламет. Двајцата почнаа да се забавуваат во 2023 година, но долго време ја криеја својата врска од очите на јавноста.