Во селото Пиперево, Струмичко, синоќа околу 22 часот избувнал пожар во импровизирана штала, па се пуштила да интервенира локалната противпожарна единица.

Според информациите од единицата, таа влегла во акцијата со едно противпожарно возило и три пожарникари-спасители.

„Пожарот е целосно изгаснат за кратко време после пристигнувањето на лице место“, посочуваат од службата, иако не даваат информации за штетата.

Од фотографиите се гледа скоро целосно изгорен објект.

„Во случај на пожар или друга природна непогода повикај 112 или 193“, соопштуваат од службата преку социјалните мрежи.