Разорен земјотрес со јачина од 7,8 степени рано утрово го погоди јужниот дел од Филипините, при што беа урнати голем број згради и загинаа најмалку 15 луѓе, пренесува Гардијан.

„Многу објекти се оштетени, но во моментов не можам да ги набројам бидејќи сме зафатени со тековните спасувачки операции“, изјави Роберт Дагон од полицијата во градот Генерал Сантос.

Националната агенција за управување со катастрофи соопшти дека најмалку 15 луѓе загинале – 12 во регионот Соксксарген на островот Минданао и три во покраината Давао Оксидентал.

WATCH: Building collapses after magnitude 7.8 earthquake strikes the Philippines pic.twitter.com/8Q9XFK6Gf8

— BNO News Live (@BNODesk) June 8, 2026

Канцеларијата за цивилна заштита ги предупреди граѓаните да избегнуваат влегување во оштетени домови и друга инфраструктура поради опасност од дополнителни потреси.

Филипинскиот претседател Фердинант Маркос Џуниор ги повика граѓаните да ги следат предупредувањата.

„Не чекајте. Вашиот живот е поважен од сè што сте оставиле зад себе“, нагласи тој.

Меѓу останатите, урнат е горен кат од ресторан на синџирот за брза храна, а паднат е и како надворешен бетонски ѕид на трговски комплекс, во близина на епицентарот на земјотресот.

Earthquake in General Santos City, The Philippines on June 8, 2026 pic.twitter.com/ye8LHYwVzB

— Noypi (@noypistuff) June 8, 2026

Во покраината Давао дел Сур, дел од средно училиште се урнал додека учениците биле собрани надвор, покажува видео објавено од локалната радиомрежа „Бомбо Радио“.

Исто така, низ градот може да се забележат уништени влезови, искршени стакла и превртени клупи расфрлани по улиците.

A 7.8-magnitude earthquake today, June 8, 2026, caused multiple building collapses and extensive damage in General Santos, Mindanao, Philippines. pic.twitter.com/ortl6Myp5L

— Weather Monitor (@WeatherMonitors) June 8, 2026

Земјотресот се случи токму кога јавните училишта повторно ги отворија вратите за новата учебна година. Во основното училиште „Махајхај“ во Давао вознемирени ученици барале засолниште за време на утринската церемонија на подигнување на знамето.

Филипинскиот Црвен крст соопшти дека интервенирал во три средни училишта за да им пружи помош на бројни ученици кои претрпеле траума по земјотресот.

🚨#ÚLTIMAHORA Así se sintió el #temblor en Mindanao Terremoto de magnitud 7.8 Polomolok, Cotabato Sur, Filipinas · #temblor #Tu #earthquake,#joshtve #Earthquakephilipines #joshtve #temblor video 1 pic.twitter.com/WRrWPNRcDq

— Joshtve_ (@Joshtve_) June 8, 2026

Претседателот нареди прекин на наставата во погодените области до понатамошно известување.

„Безбедноста на нашите деца е на прво место“, изјави претседателот Маркос.

🧵 Video and images emerging after a M6.7 earthquake struck Mindanao in the #Philippines. Terrifying 😳 pic.twitter.com/KkKVLU53vt

— Volcaholic 🌋 (@volcaholic1) November 17, 2023

Пријавени се прекини во снабдувањето со електрична енергија, а граѓаните биле повикани да се упатат кон повисоки места.

Според првичниот извештај на Филипинскиот институт за вулканологија и сеизмологија, епицентарот бил на 13 километри југозападно од градот Генерал Сантос на островот Минданао, на длабочина од 10 километри. Земјотресот се случил во 7:37 часот. Американскиот геолошки институт (USGS) ја процени магнитудата на 7,8 степени, а длабочината на 55 километри.

Набргу по земјотресот, Пацифичкиот центар за предупредување од цунами соопшти дека на некои крајбрежја на Филипините се можни бранови високи до три метри, а на одредени делови од бреговите на Индонезија и Малезија – бранови до еден метар.