Иран вечерва испали најмалку четири балистички ракети кон северен Израел, предизвикувајќи сирени за воздушен напад во неколку области, вклучувајќи ја и Хаифа, соопшти израелската војска (ИДФ), објави Си-ен-ен.

Според ИДФ, идентификувано е лансирање ракета од Иран кон израелска територија, поради што се активирани системи за воздушна одбрана за да се пресретне заканата.

„Одбранбените системи работат за да ја пресретнат заканата. Командата за цивилна заштита испрати прелиминарни предупредувања до мобилните телефони во загрозените области“, соопшти израелската војска.

Властите ги повикаа граѓаните веднаш да се засолнат во заштитените подрачја и да не ги напуштаат до понатамошни инструкции.

Израелската армија нагласи дека напуштањето на засолништето е дозволено само по официјално известување и го повика населението строго да ги следи инструкциите на цивилната заштита.

Според израелските и регионалните медиуми, нападот следеше по денешните израелски напади врз јужните предградија на Бејрут во Либан, за кои Техеран претходно најави одговор.

Засега нема информации за можни жртви или материјална штета.

Израел нападна предградија на Бејрут, Иран најави „болен“ одговор

ВИДЕО | Иран испали ракети кон Израел