Израелската војска ги нападна предградијата на либанскиот главен град Бејрут откако Хезболах го гранатираше Израел, изјави денеска премиерот Бенјамин Нетанјаху и министерот за одбрана, Израел Кац, објави „Гардијан“.

Нетанјаху и Кац рекоа дека армијата ги таргетирала штабовите на „терористите“.

Видео снимки од сведоци покажаа густи облаци чад како се издигаат од преполното предградие на Бејрут познато како Дахие, кое се смета за упориште на либанското движење Хезболах.

Висок ирански функционер вети „решителен и болен“ одговор на воздушните напади на Израел врз јужните предградија на Бејрут, најсериозната ескалација во војната во Либан откако беше воспоставен прекин на огнот во средината на април.

По денешниот напад, Ебрахим Резаи, портпаролот на Комитетот за надворешна политика и национална безбедност на иранскиот парламент, напиша на X:

„Ќе дадеме решителен и болен одговор на нападот на ционистичкиот режим врз предградијата… Гледајте го небото на окупираните територии вечерва“.

Инаку, Израел значително ги намали нападите врз Либан откако прекинот на огнот стапи на сила во средината на април.

Нов израелски напад врз Бејрут, прв по прогласеното примирје