Израелската војска вечерва изврши нова серија воздушни напади на Бејрут. Премиерот Бенјамин Нетанјаху вели дека мета биле луѓе од врвот на Хезболах во главниот град на Либан. Тој во координација со израелскиот министер за одбрана Израел Кац, издал наредба за напад на Хезболах во Бејрут со цел за неутрализирање на командантот на специјалните сили на Хезболах, наречени Радван, пренесува Би-би-си.

Во објави на социјалните мрежи, Нетанјаху тврди дека силите на Радван „одговорни за гранатирање на израелски населби и нанесување штета на војниците на Израелските вооружени сили“.

Ал Џазира известува дека при бомбардирањата на јужното предградие на Бејрут е убиен Малекм Балу, командантот на силите Радван на Хезболах.

Ова е првиот напад врз Бејрут по 8 април и по прекинот на огнот меѓу Израел и Хезболах, кој стапи во сила на 17 април.