Во воздушен напад врз градот Џеди Куја на Крим, кој е под руска окупација, рано утрово беше погоден магацин за нафта, објавија проукраински канали на социјалните мрежи. Според информациите, како резултат на нападот избувнал пожар во магацинот за нафта во Семиколодјанск. Украинските беспилотни летала ја погодиле и енергетската и железничката инфраструктура во окупираните области Луганск и Донецк, пишува „Киев Индепендент“.

Ширењето на украинските напади

Нападите се дел од проширената кампања за удари со среден дострел на Украина, која ги таргетира воените средства на оперативна длабочина од околу 20 до 300 километри од фронтовските линии.

A drone strike on the oil depot in Lenine, Russian-occupied Crimea. pic.twitter.com/TZb0NN5CGN

— Anton Gerashchenko (@Gerashchenko_en) June 7, 2026

Украинската војска вчера објави дека операторите на беспилотни летала од 3-от полк за специјални операции воспоставиле воздушна контрола врз дел од рускиот копнен пат за снабдување до окупираниот Крим.

Украинскиот претседател Володимир Зеленски неодамна изјави дека Украина сега е во можност да ја таргетира целата воена логистика на Москва на окупираните територии.

„Нашите борци сега можат да стигнат до руската воена логистика во речиси целата длабочина на привремено окупираната територија. Речиси и да нема безбедни патишта за окупаторот на југот и истокот од нашата земја“, рече тој.

Зеленски денеска со европските лидери во Лондон—Што подготвува сега Европа за Украина?