Иран вечерва испали балистички ракети кон северен Израел, предизвикувајќи сирени за воздушен напад во неколку области, објави „Њујорк тајмс“.

Израелската армија (ИДФ) објави дека идентификувала лансирање ракета од Иран кон израелска територија и дека се активирани системите за противвоздушна одбрана.

Властите ги повикаа граѓаните веднаш да се засолнат во заштитените подрачја по добивањето на предупредувањето и да останат таму до понатамошни инструкции.

Incoming Iranian ballistic missiles seen in the sky over Northern Israel. pic.twitter.com/ul16bVS8tr

— OSINTdefender (@sentdefender) June 7, 2026

Израелските и регионалните медиуми велат дека нападот е извршен како одговор на денешните израелски напади врз јужните предградија на Бејрут, Либан.

Висок ирански функционер денеска го најави овој напад, истакнувајќи дека следува „решителен и болен“ одговор на воздушните напади на Израел врз јужните предградија на Бејрут, што е најсериозната ескалација во војната во Либан откако беше воспоставен прекин на огнот во средината на април.

По денешниот напад, Ебрахим Резаи, портпаролот на Комитетот за надворешна политика и национална безбедност на иранскиот парламент, напиша на X:

„Ќе дадеме решителен и болен одговор на нападот на ционистичкиот режим врз предградијата… Гледајте го небото на окупираните територии вечерва“.

Засега нема информации за можни жртви или материјална штета.

Sirens now sounding in Northern Israel, including the coastal city of Haifa, following the launch of missiles from Iran. pic.twitter.com/ZZxvsqpzSf

— OSINTdefender (@sentdefender) June 7, 2026

Израел нападна предградија на Бејрут, Иран најави „болен“ одговор