ВИДЕО | Перез убедливо победи на изборите и остана претседател на Реал Мадрид
Флорентино Перез останува на чело на Реал Мадрид откако убедливо победи на претседателските избори и обезбеди нов мандат до 2030 година.
Препорачано
Досегашниот прв човек на „кралскиот клуб“ ја доби довербата од членовите на Реал, победувајќи го противкандидатот Енрике Рикелме. Според официјалните резултати, Перез освои 65 отсто од гласовите, односно поддршка од 21.741 член, додека бизнисменот од Аликанте доби 35 проценти или 11.814 гласа.
Ова ќе биде осми мандат на Перез на чело на мадридскиот гигант. Неговото раководење со клубот е поделено во два периода од 2000 до 2006 година и од 2009 година до денес.
Во изборната кампања Перез настапи со слоганот „Уште многу историја за создавање“, истакнувајќи ги седумте титули во Лигата на шампионите освоени за време на неговото владеење како доказ за успешното работење.
Еден од главните столбови на неговата програма е промената на корпоративниот модел на клубот. Според Перез, тоа е единствениот начин да се заштитат интересите на Реал Мадрид и имотот на неговите членови. Предлогот во наредниот период ќе треба да добие одобрение од Собранието на членови, а потоа и поддршка на референдум на кој ќе се изјаснат сите членови на клубот.
