И затворениците од православна вероисповед во затворот Скопје имаа можност да го прослават денешниот најголем христијански празник Велигден. Тие добија и вапцани јајца, па заедно со чуварите во затворот се кршеа.

Во традицијата е познато дека чие јајце е силно и крши други јајца, во тековната година ќе има многу среќа и бериќет.

„ По повод големиот христијански празник Велигден, во КПУ Затвор Скопје се одбележа Воскресението Христово со традиционално вапцани јајца. Иако лишени од слободата и оддалечени од своите најблиски, осудените од православна вероисповед не беа заборавени и имаа можност достојно да го почувствуваат духот и радоста на празникот. Христос воскресе!“ објавија од Управата за извршување санкции.