Европското првенство во ракомет влезе во завршната фаза и стигна до полуфиналињата, но во пресрет на клучните натпревари вниманието го привлекоа контроверзни случувања поврзани со хрватската репрезентација.

Хрватска е единствениот полуфиналист кој нема да биде сместен во Хернинг, градот каде што се играат полуфиналните натпревари. Наместо тоа, „коцкестите“ ќе престојуваат во Силкеборг и ќе мора да патуваат околу 40 километри до салата. За разлика од нив, Данска, Исланд и Германија ќе бидат сместени директно во Хернинг.

Дополнителен проблем за Хрватите се појавил веднаш по четвртфиналниот триумф над Унгарија, кога репрезентацијата била приморана на петчасовно патување со автобус од Малме до Хернинг, при што пристигнала само еден ден пред полуфиналната пресметка.

„Патувањето беше напорно, некои играчи буквално спиеја на подот од автобусот од што беа исцрпени, според многумина организацијата на турнирот е исклучително лоша“, пишува порталот „Гол.хр“.

Полуфиналниот натпревар Хрватска ќе го одигра утре со почеток од 17:45 часот.

Ovo je slika i prilika organizacije Eura. Naši reprezentativci umjesto u Herning, smješteni su u 40 km udaljeni Silkeborg. Svi ostali polufinalisti smješteni su u Herningu. Dečki su igrali DVA dana ZAREDOM, i jutros se 5 sati vozili busom. Iscrpljeni spavali na podu. Sramota. pic.twitter.com/Rxawc9cF8E

— Ivan Forjan (@ForjanNovaTV) January 29, 2026