Познатите фитнес-тренери Елена Бубало и Атанас Михајловски добија уште едно дете, а радосната вест ја сподели самата Бубало на социјалните мрежи. Таа сподели неколку фотографии од болничката соба и го покажа малото раче на момчето.

„Пукна балонот од сторињата. Стигна бебе три, братчето Алексеј“, напиша таа во описот на фотографиите, откривајќи го името на нивното трето дете.

За да ја покаже љубовта кон синот, таа ја додаде песната „My Little Love“ (во превод: „Моја малечка љубов“) од британската пејачка Адел.

За време на целата бременост, Бубало остана активна и редовно објавуваше снимки од своите тренинзи, покажувајќи дека вежбањето е можно и во овој период.

„Колку е моќно човековото тело. Твое е дали таа моќ ќе ја искористиш или ќе го упропастиш да биде нефункционално“, напиша таа во едно од последните видеа пред породувањето.

Среќната вест предизвика бројни честитки од нивните следбеници и пријатели, кои им посакаа многу здравје и среќа со новиот член на семејството.