Четири месеци по смртта на Ивана Трамп, нејзината куќа во Њујорк е ставена на продажба за 26,5 милиони долари, објави „Волстрит журнал“.

Импресивната куќа од 810,5 квадратни метри сместена на Менхетен е исполнета со раскошен декор од 1980-тите и украсена со мебел со леопард принт, подови од розов мермер и позлатени украси.

Целиот приход од продажбата на имотот би требало го поделат нејзините три деца: Доналд Трамп Помладиот, Ерик Трамп и Иванка Трамп.

– Мојата мајка апсолутно ја сакаше таа куќа – изјави нејзиниот син Ерик за „Волстрит журнал“, додавајќи дека куќата „ја отелотворува Ивана“.

Имотот го купила во 1992 година, кога бил финализиран нејзиниот развод со Доналд Трамп.

Во својата книга „Raising Trump“ од 2017 година, таа напоменала дека имотот има потреба од преуредување откако бил празен речиси 12 години. Пред Ивана да ја купи недвижноста, таа се користела како стоматолошка ординација.

Во 30-те години што следеле, таа целосно ја преуредила – како на пример, собата за забава украсена со смарагдни тапети и златни украси ја опишала како пример на соба во која „Луј Шестанесетти би живеел ако имал пари“.

ПАДНАА БАКНЕЖИ: Урнебесна средба на градоначалникот на Загреб и првата жена на Трамп

Почина Ивана Трамп, поранешната сопруга на Доналд Трамп

ПАДНАА БАКНЕЖИ: Урнебесна средба на градоначалникот на Загреб и првата жена на Трамп