Почина Ивана Трамп, поранешната сопруга на Доналд Трамп
Ивана Трамп, поранешната сопруга на поранешниот американски претседател Доналд Трамп, почина на 73-годишна возраст од срцев удар, соопшти нејзиното семејството за Еј-Би-Си њуз.
„Нашата мајка беше неверојатна жена – сила во бизнисот, спортист од светска класа, сјајна убавина и грижлива мајка и пријателка“, се вели во соопштението на семејството Трамп.
„Ивана Трамп беше борец. Таа избега од комунизмот и ја прегрна оваа земја. Ги научи своите деца на многу работи“, велат од семејството. „Таа ќе им недостига на нејзината мајка, нејзините три деца и десетте внуци“.
Во изјавата за својата платформа „Трут Сошал“, Доналд Трамп ја запамети Ивана како „прекрасна, убава и неверојатна жена, која водеше одличен и инспиративен живот“.
„Нејзината гордост и радост беа нејзините три деца, Доналд Џуниор, Иванка и Ерик. Таа беше толку горда на нив, како што сите ние бевме толку горди на неа“, напиша тој.
Ивана Трамп беше првата сопруга на Доналд Трамп. Заедно имаа три деца – Доналд Џуниор, Иванка и Ерик Трамп.