ФОТО | Дамиано Давид е разочаран: Ова е тажен ден за мојата земја
Откако лидерката на екстремно десничарската партија „Браќа на Италија“, Џорџа Мелони победи на парламентарните избори во Италија, бројни јавни личности се огласија со свои ставови. Сепак, реакцијата на Дамиано Давид, пејачот на музичката група „Манескин“, привлече најголемо внимание во италијанските медиуми.
Имено, пејачот ја сподели насловната страница на италијанскиот дневен весник „Република“, на која е испишана веста за победата на екстремно десничарската партија.
„Денес е тажен ден за мојата земја“, кратко напиша пејачот на својот инстаграм-профил.
Потоа го сподели и написот на Си-ен-ен, чиј наслов гласи: „Џорџа Мелони ќе биде најдесничарскиот италијански премиер по Бенито Мусолини“.
Иако е многу млад и има само 23 години, Дамиано Давид е јавна личност која нема проблем да го искаже својот политички став. За време на настапот на музичкиот фестивал Коачела, пејачот отворено ја осуди руската инвазија на Украина и го опцу рускиот претседател Владимир Путин.
Тој и неговата долгогодишна девојка, 26-годишната манекенка Џорџа Солери се многу активни и во борбата за родова еднаквост.
„Какво болно будење. Полошо од која било хронична болест“, искоментира Солери на Инстаграм.
Што може да очекува Европа од првата жена премиер на Италија?