ФОТО | Црно-жолта пеперутка e откриена во дождовна шума во Перу, именувана е по познат германски фудбалски клуб
Црно-жолта пеперутка е откриена во дождовна шума во Перу. Овој инсект официјално е наречен „ваневригтиа борусиадортмунд“ (vanewrightia borussiadortmund) по познатиот германски фудбалски клуб „Борусија Дортмунд“.
Препорачано
Пеперутката, со распон на крилјата од околу три сантиметри, за првпат е опишана пред неколку години во Амазон и се смета за редок вид, бидејќи досега се регистрирани само четири примероци, објавува „Билд“.
Иницијативата потекнува од биологот Петер Клаусмаер од Дортмунд, долгогодишен навивач на фудбалскиот тим „Борусија Дортмунд“, кој сакал да ја поврзе својата љубов кон клубот со заштитата на природата.
Sie ist schwarz-gelb und lebt in Peru: Eine neu entdeckte Schmetterlingsart heißt nun Vanewrightia borussiadortmund. Den Namen hat sie einem Fußballfan zu verdanken. Peter Klausmeier ließ sich das etwas kosten. https://t.co/GFbRQzWVm0
— DER SPIEGEL (@derspiegel) March 4, 2026
Клаусмаер го купил името испраќајќи донација до организацијата „Биопат“, чии приходи одат за истражување и мерки за заштита на биолошката разновидност во земјите од кои потекнува видот. Тој платил 2.800 евра за правото да ја именува пеперутката.
Црно-жолтата боја на пеперутката наликува на дресот на клубот, а според биологот, жолтите крилја веројатно служат за одвраќање на предаторите.
Клаусмајер истакнува дека овој вид спонзорство ѝ помага на науката, бидејќи секоја година се откриваат околу 10.000 нови видови растенија и животни, а истражувачите бараат начини финансиски да го обезбедат описот и проучувањето на новите видови.
