Тензична е ситуацијата помеѓу навивачите на Лацио и клупската управа, лошата сезона и серијата разочарувачки резултати  разгневија дел од најверните навивачи, кои незадоволството го искажаа и пред вечерашниот дуел против Аталанта во Копа Италија.

Имено, во близина на тренинг-центарот на римскиот клуб осамна графит со морбидна порака упатена до првиот човек на клубот, Клаудио Лотито.

„Порака за Доналд Трамп: Лотито има многу нафта и е диктатор“,

Со пораката навивачите алудираат на актуелните светски случувања и ескалацијата на кризата во Иран, поврзувајќи ја ситуацијата со раководството на клубот.

Купот на Италија останува последната надеж за спас на сезоната за Лацио. Во домашното првенство римјаните се наоѓаат на 11. позиција со 34 бода и се далеку од местата што водат во европските натпреварувања.