Со доаѓањето на пролетта гардеробата станува полесна, а сакото често е првиот слој што повторно го враќаме во секојдневните комбинации. Доволно е елегантен за на работа, но и доволно опуштен за да се носи со фармерки, фустани или здолништа во текот на денот.

Токму затоа сакоата секоја сезона добиваат ново внимание во колекциите Кроевите најчесто остануваат класични, но преку боите, текстурите и деталите секогаш се појавуваат нови варијации што ги прават интересни за новата сезона.

Во пролетната колекција особено се издвојуваат моделите кои балансираат помеѓу минимализам и модерен крој.

Тука се и малку пошироки силуети кои одлично изгледаат во едноставни комбинации, но и структурирани блејзери кои лесно стануваат дел од деловната гардероба.

Неутралните нијанси како беж, сива, бела и темносина се особено застапени бидејќи лесно се вклопуваат во пролетната гардероба.

Во исто време се појавуваат и модели во посвежи тонови кои внесуваат мала промена во секојдневниот стил.

Во продолжение издвојуваме сакоа кои ни го привлекоа вниманието и кои лесно можеме да ги замислиме како дел од пролетните комбинации.