Возачот на Мерцедес, Андреа Кими Антонели, ќе ја започне трката за Големата награда на Мајами во Формула 1 од пол-позицијата, откако во саботата беше најбрз во квалификациите.

Водечкиот во генералниот пласман славеше со резултат од 1:27.798 минути.

Антонели беше за 0,166 секунди побрз од возачот на Ред Бул, Макс Верстапен, кој трката ќе ја започне на второто место, и за 0,345 секунди побрз од третопласираниот Шарл Леклер во Ферари.

Актуелниот светски шампион, возачот на Мекларен, Ландо Норис, беше четврти, додека Џорџ Расел во Мерцедес ќе започне петти.

Зад нив се возачот на Ферари, Луис Хамилтон, Оскар Пјастри во Мекларен, Франко Колапинто во Алпина, Исак Хајар во Ред Бул и вториот возач на Алпин, Пјер Гасли.

Трката за Големата награда на Мајами ќе се одржи в недела од 22.00 часот по македонско време.