Во пресрет на почетокот на втората сезона на Првата македонска фудбалска Лига, Вардар продолжува со подготовките на тренинг центарот во Хиподром – Скопје.

На овој прв тренинг по враќањето од Анталија се приклучија и последните засилувања кои клубот ги договори во зимскиот преоден рок.

Нови засилувања се Бобан Николов, Дарко Велковски, Стефан Цветковиќ, потоа Аргентинецот Лукас Пулеио беше присутен на подготовките во Анталија, а Торрес Јоаким туку што пристигна во базата и се очекува набрзо и тој да се приклучи во тренинг процесот и натпреварувањата.

Денеска Вардар ќе игра пријателски натпревар со ГФК Осогово на Градскиот стадион „Никола Мантов“ во Кочани, со почеток од 14.00 часот.

Скопските „црвено-црни“ својот прв меч од пролетниот дел од сезоната ќе го имаат в среда на 11 февруари од 13.00 часот на фудбалскиот терен „Петар Милошевски“ против Арсими во рамките на 17 коло од шампионатот.