Финансиски скандал во Монако: Принцезата Шарлин трошела повеќе од милион евра годишно, принцот Алберт ја брани
Принцот Алберт од Монако по повод својот 66-ти роденден даде интервју за „Пари мач“ (Paris Match). Неодамна поранешниот сметководител го обвини за финансиски неправилности, па во текот на интервјуто принцот се осврна на неговите обвиненија. Принцот изјави дека неговото семејство и јавноста го поддржале, меѓутоа, тој призна дека неговата сопруга, принцезата Шарлин, е исклучително вознемирена поради тоа.
– Шарлин беше многу вознемирена и тажна поради одредени работи што се појавија во медиумите. Но, ние се поддржувавме меѓусебе. Таа се врати на многу свои активности, презема повеќе јавни ангажмани, на општо одушевување на сите – изјавил принцот Алберт.
Принцот Албер зборувал за тоа два месеци откако неговиот поранешен сметководител Клод Палмеро тврдеше дека личните трошоци на принцезата Шарлин скокнале на повеќе од милион евра годишно. Палмеро (67) беше задолжен за финансиите на кнежевското семејство од Монако повеќе од 20 години, но се повлече во јули. Протечените документи го обвинуваат семејството и дека наводно вработувало нелегални имигранти.
Принцезата Шарлин ја нарекуваат „најтажната принцеза на светот“, поради нејзиното наводно постојано лошо расположение, како што се говори. И за нејзиниот брак со Албер често се јавуваат гласини дека е во криза, но кнежевската двојка и понатаму се појавува заедно во јавноста.
Љубовната приказна зад солзите: Зошто принцезата Шарлин е „најтажната принцеза на светот“?
„Најтажната принцеза на светот“: Веќе не чувствувам толку голема болка