Принцезата Шарлин од Монако, која е позната и како „најтажната принцеза на светот“, направи ексклузивно интервју со локалниот весник „Монако матин“, во кое проговори за здравствените проблеми кои ја оддалечија од кралските обврски.

„Прво, би сакала да кажам дека денес се чувствувам многу подобро отколку во последните неколку години. Чувствувам помалку болка и имам многу повеќе енергија“, рекла Шарлин и додала: „Продолжувам да закрепнувам, сакам повторно да воспоставам рамнотежа. Ќе ми биде потребно време, но јас сум среќна. Моето семејство, а и луѓето кои ги сакам се мојата карпа. Ѝ се приближувам на иднината, чекор по чекор, ден за ден.“

#NEW Princess Charlene has given an interview to @Monaco_Matin 🇲🇨

“I would first like to say that I feel so much better today than I have in recent years. I feel less pain and much more energy. It will still take time, but I’m happy […] My family and those I love are my rock” https://t.co/xg80HJB4l3 pic.twitter.com/5XIBLsER5O

— CoutureAndRoyals (@CoutureRoyals) December 14, 2022

Исто така, таа зборувала и за идните улоги на нејзините деца, принцот Жак и принцезата Габриела, и додала дека тие се „родени со обврски и должности“, но и дека сѐ уште учат за своите кралски улоги.

„Кога треба да одиме на некој настан со мојот сопруг, принцот Алберт, ние им ја објаснуваме природата на настанот, церемонијата. Тие сакаат да нѐ следат, ние четворицата уживаме да го правиме сето тоа заедно. Но, како што реков, тие сѐ уште се млади, сѐ уште нѐ набљудуваат и учат, пред сето тоа да им стане природно“, објаснила принцезата.

Таа нагласила и дека нејзините деца имаат свој заеднички јазик, дека се сакаат и се штитат.

„Морам да кажам дека тоа е прилично уникатна врска и ја гледам таа посебност што ја делат близнаците“, заклучила принцезата, која неодамна беше видена со сопругот и двете деца на божиќна забава.

Љубовната приказна зад солзите: Зошто принцезата Шарлин е „најтажната принцеза на светот“?