ФФМ ги одреди цените: Билетите за дуелот со Исланд ќе се продаваат за 150 и 300 денари

Фудбалската репрезентација на Македонија во ноември ги продолжува квалификациите за СП 2022/ фото: ФФМ

Управниот одбор на Фудбалската федерација на Македонија на денешната седница ги одреди цените на влезниците за претстојните квалификации на националните репрезентации.

Сениорската репрезентација на 14 ноември на Националната Арена „Тодор Проески“ го пречекува Исланд, два дена младата репрезентација до 21 година игра против Франција, додека женската сениорска репрезентација за четири дена во Охрид ќе игра против Луксембург.

Управниот одбор на ФФМ одлучи влезниците за натпреварот на сениорската репрезентација против Исланд да изнесуваат 150 и 300 денари за јужна и северна трибина, а билетите ќе се продаваат преку продажната мрежа на MKТикетс.

Билетите за младата репрезентација до 21 година за дуелот со Франција ќе се продаваат по цена од 100,150 и 200 денари за јужната и северна трибина, додека влезниците за дуелот на фудбалерките против Луксембург ќе се продаваат по цена од 100 денари и тоа на билетарата на стадионот „Билјанини Извори“.

Видео на денот